കൊല്‍ക്കത്ത: ബംഗാളി നടി മിശ്തി മുഖര്‍ജി അന്തരിച്ചു. വൃക്ക തകരാറിനെ തുടര്‍ന്നാണ് മരണം വെള്ളിയാഴ് രാത്രിയോടെയാണ് മരണത്തിന് കീഴടങ്ങിയത്. ബംഗളൂരുവിലെ ആശുപത്രിയില്‍ ചികിത്സയിലായിരുന്നു.
ശനിയാഴ്ച ബന്ധുക്കള്‍ പുറത്തുവിട്ട പ്രസ്താവനയിലൂടെയാണ് മരണം സ്ഥിരീകരിച്ചത്.
ശരീരഭാരം കുറയ്ക്കാനുള്ള കീറ്റോ ഡയറ്റ് പ്രതികൂലമായി ബാധിച്ചതാണ് മരണത്തില്‍ കലാശിച്ചത് എന്ന് കുടുംബം പറയുന്നു. കീറ്റോ ഡയറ്റ് പിന്തുടര്‍ന്നതിന് പിന്നാലെ വൃക്കയ്ക്ക് തകരാര്‍ സംഭവിച്ചു. ഇവര്‍ ഒരുപാട് വേദന സഹിച്ചിരുന്നു. തികച്ചും ദൗര്‍ഭാഗ്യകരമായ സംഭവം.
“ഞങ്ങളുടെ നഷ്ടം ആര്‍ക്കും നികത്താനാവില്ലെ”ന്നും കുടുംബം പ്രസ്താവനയില്‍ പറയുന്നു.മേം കൃഷ്ണ ഹൂം, ലെെഫ് കി തോ ലഗ് ഗയീ എന്ന തുടങ്ങിയ ബോളിവുഡ് ചിത്രങ്ങളിലും മിഷ്തി വേഷമിട്ടിട്ടുണ്ട്. 2012ല്‍ ലൈഫ് കി തോഹ് ലഗ് ഗയി എന്ന ചിത്രത്തിലൂടെയായിരുന്നു താരത്തിന്‍റെ വെള്ളിത്തിരയിലേക്കുള്ള അരങ്ങേറ്റം.
