ലണ്ടന്: അമേരിക്കയില് അതിവേഗം വ്യാപിച്ചുകൊണ്ടിരുന്ന ഒമിക്രോണ് വകഭേദത്തിന്റെ ഉപവകഭേദമായ ബിഎ.4.6 യുകെയിലും വ്യാപിക്കുന്നതായി സ്ഥിരീകരണം. യുകെ ഹെല്ത്ത് സെക്യൂരിറ്റി ഏജന്സിയുടെ കണക്കനുസരിച്ച് ഓഗസ്റ്റ് മൂന്നാംവാരത്തില് 3.3 ശതമാനം സാംപിളുകളും ബിഎ.4.6 ആണെന്ന് കണ്ടെത്തി. അതിനുശേഷം ഇത് 9 ശതമാനമായി ഉയര്ന്നിട്ടുണ്ട്.
സെന്റര് ഫോര് ഡിസീസ് കണ്ട്രോള് ആന്ഡ് പ്രിവന്ഷന്റെ കണക്കനുസരിച്ച് അമേരിക്കയിലുടനീളമുള്ള സമീപകാല കേസുകളില് ഒന്പത് ശതമാനത്തിലധികം ബിഎ.4.6 ആണ്. മറ്റു പല രാജ്യങ്ങളിലും ഈ വകഭേദം തിരിച്ചറിഞ്ഞിട്ടുണ്ട്.
ഒമിക്രോണിന്റെ ബിഎ.4 വകഭേദത്തിന്റെ പിന്ഗാമിയാണ് ബിഎ.4.6. ഇത് ആദ്യമായി 2022 ജനുവരിയില് ദക്ഷിണാഫ്രിക്കയില് കണ്ടെത്തി. അതിനുശേഷം ബിഎ.5 വകഭേദത്തിനൊപ്പം ലോകമെമ്പാടും വ്യാപിച്ചു. ഈ വകഭേദം കൂടുതല് ഗുരുതരമായ രോഗ ലക്ഷണങ്ങള് ഉണ്ടാക്കുന്നതായി ഇതുവരെ റിപ്പോര്ട്ട് ചെയ്തിട്ടില്ല. എന്നാല് മറ്റു വകഭേദങ്ങളെ അപേക്ഷിച്ച് കൂടുതല് വ്യാപനശേഷി ഇതിനുണ്ട്.