പാരീസ്: യൂറോപ്യന്‍ രാജ്യങ്ങളില്‍ വൈറസ് പടര്‍ന്നു പിടിക്കുന്ന പശ്ചാത്തലത്തില്‍ ഈ വര്‍ഷം നടത്താനിരുന്ന യൂറോ കപ്പ് മാറ്റിവെച്ചു. യൂറോ കപ്പ് അടുത്ത വര്‍ഷം നടത്താമെന്നാണ് യുവേഫയുടെ അടിയന്തര യോഗത്തില്‍ തീരുമാനമായി.
2021ല്‍ ജൂണ്‍ 11 മുതല്‍ ജൂലൈ 11 വരെയായിരിക്കും മത്സരങ്ങൾ. ഈ വര്‍ഷം ജൂണ്‍ 12 മുതല്‍ ടൂര്‍ണമെന്‍റ് നടത്താനാണ് നിശ്ചയിച്ചിരുന്നത്. യുവേഫ അടിയന്തര യോഗം ചേര്‍ന്നാണ് തീരുമാനമെടുത്തത്.
ഫ്രഞ്ച് ഓപ്പൺ ടെന്നീസ് മത്സരങ്ങളും മാറ്റിവച്ചു. മേയ് 24 മുതൽ ജൂൺ ഏഴു വരെ നടക്കേണ്ടിയിരുന്ന ഫ്രഞ്ച് ഓപ്പൺ സെപ്റ്റംബറിലേക്കാണ് മാറ്റിയത്. സെപ്റ്റംബർ 20 മുതൽ ഒക്ടോബർ നാലുവരെയാണ് പുതിയ തിയതി.
