പനാജി: ഐഎസ്എല്ലില്‍ ഗോവ എഫ്സിക്കെതിരെ കേരള ബ്ലാസ്‌റ്റേഴ്‌സിന് തോല്‍വി. 3-2നായിരുന്നു ബ്ലാസ്റ്റേഴ്സ് കീഴടങ്ങിയത്. ആദ്യ പകുതിയിൽ കേരളത്തെ ഞെട്ടിച്ചുകൊണ്ട് ഗോവ രണ്ട് ഗോളുകൾ വീഴ്ത്തി ആധിപത്യം നേടിയിരുന്നു.
രണ്ടാം പകുതിയിൽ കേരളം രണ്ട് ഗോളുകൾ മടക്കി തിരിച്ചുവരവിനുശ്രമിച്ചെങ്കിലും അവസാനനിമിഷം ഭാഗ്യം കൈവിട്ടു. 83-ാം മിനിറ്റിൽ കേരളത്തിന്‍റെ പ്രതീക്ഷകളെയെല്ലാം കാറ്റിൽ പറത്തി ഹ്യൂഗോ ബോമസ് ഗോവയുടെ വിജയ ഗോൾ നേടി.
ഗോവയ്ക്കായി ഹ്യൂഗോ ബോമസ് ഇരട്ട ഗോൾ (26′, 83′) നേടി. ജാക്കി ചന്ദ് സിംഗും (46′) കേരളത്തിന്‍റെ വലകുലുക്കി. ബ്ലാസ്റ്റേഴ്സിനായി മെസിയും(53′), ഒഗ്‌ബെച്ചെയും(69′) ഗോളുകള്‍ നേടി.
