കൊച്ചി: ഒരു മാറ്റം ആരാണ് ആഗ്രഹിക്കാത്തത്. പ്രതിപക്ഷ നേതാവിൻ്റെ അഭിനയം അവസാനിച്ചെങ്കിലും
അഭിനയത്തിലുള്ള തന്‍റെ രാശി നോക്കാൻ ഒരുങ്ങുകയാണ് രമേശ് ചെന്നിത്തല. ‘ഹരിപ്പാട് ഗ്രാമപഞ്ചായത്ത്’ എന്ന ചിത്രത്തിലൂടെയാണ് രമേശ് ചെന്നിത്തലയുടെ അരങ്ങേറ്റം. നിഖില്‍ മാധവ് സംവിധാനം ചെയ്യുന്ന ചിത്രത്തിൽ സിപിഎമ്മിന്‍റെ ഒരേയൊരു എം.പി എ എം ആരിഫും ഒരു പ്രാധാന കഥാപാത്രത്തെ അവതരിപ്പിക്കുന്നുണ്ട്.
രാഷ്‍ട്രീയക്കാരനായാണ് രമേശ് ചെന്നിത്തല ചിത്രത്തിൽ എത്തുന്നത്. നാട്ടുംപുറത്തെ രാഷ്‍ട്രീയ നേതാവാവായാണ് ആരിഫ് എത്തുക. അസ്‌കര്‍ സൗദാൻ, ധര്‍മ്മജന്‍ ബോള്‍ഗാട്ടി , നീന കുറുപ്പ് ,ഭീമന്‍ രഘു , ബേസില്‍ മാത്യു പാലയ്ക്ക്ക്കപ്പള്ളി ,ബിജുകുട്ടന്‍, സുനില്‍ സുഗദ ,കോട്ടയം പ്രദീപ്, കോബ്രാ രാജേഷ് , ശിവജി ഗുരുവായൂര്‍ , അരിസ്റ്റോ സുരേഷ് ,ഷിയാസ് കരീം എന്നിവരാണ് മറ്റ് താരങ്ങൾ.
