തിരുവനന്തപുരം : ഇന്ധന വില വീണ്ടും കൂട്ടി. പെട്രോള്‍ ലിറ്ററിന് 35 പൈസയും ഡീസല്‍ ലിറ്ററിന് 37 പൈസയുമാണ് വര്‍ധിപ്പിച്ചത്. 19 ദിവസം കൊണ്ട് ഡീസലിന് 5 രൂപ 13 പൈസയും പെട്രോളിന് 3 രൂപ 44 പൈസയുമാണ് കൂട്ടിയത്. സാധാരണക്കാർ തുടർച്ചയായുള്ള വില വർധനയിൽ നട്ടം തിരിയുകയാണ്.
കൊച്ചിയില്‍ ഒരു ലിറ്റര്‍ പെട്രോളിന്റെ വില 105 രൂപ കടന്നു. 105.രൂപ 10 പൈസയാണ് പുതുക്കിയ വില. ഡീസല്‍ ലിറ്ററിന് 98 രൂപ 74 പൈസയായി ഉയര്‍ന്നു.
തിരുവനന്തപുരത്ത് പെട്രോളിന് 107 രൂപ05 പൈസയായി. ഡീസല്‍ വില 100 രൂപ 57 പൈസയാണ്. കോഴിക്കോട് പെട്രോള്‍, ഡീസല്‍ വില യഥാക്രമം 105 രൂപ 26 പൈസ, 98 രൂപ 93 പൈസ എന്നിങ്ങനെയാണ്.
