തിരുവനന്തപുരം: പലപ്പോഴും സിനിമാ താരങ്ങളുടെ പേരിൽ വ്യാജ അക്കൗണ്ടുകൾ സോഷ്യൽ മീഡിയകളിൽ പ്രത്യക്ഷപ്പെടാറുണ്ട്. അവരുടെതായ കൊച്ചു കൊച്ചു വിശേഷങ്ങൾ ആരാധകരുമായി പങ്കുവയ്ക്കാൻ ഉപയോഗിക്കാറുണ്ട്. എന്നൽ ഇപ്പോഴിതാ തന്റെ പേരിലുള്ള വ്യാജനെ കാട്ടിത്തരുകയാണ് നടൻ ജോജു ജോർജ്.
ട്വിറ്ററിൽ തന്റെ പേരിലുള്ള വ്യാജ അക്കൗണ്ടിനെതിരെയാണ് നടൻ രംഗത്തെത്തിയത്. ‘ഇത് ഒരു ഫേക്ക് അക്കൗണ്ട് ആണ്’ എന്ന കുറിപ്പോടെയാണ് ജോജു ട്വിറ്ററിലെ തന്റെ വ്യാജനെ കാട്ടുന്നത്. ഒപ്പം വ്യാജ അക്കൗണ്ടിനെ കുറിച്ചുള്ള വീഡിയോയും താരം പങ്കുവെച്ചിട്ടുണ്ട്.
അതേസമയം, ജഗമേ തന്തിരം എന്ന സിനിമയാണ് നിലവിൽ ജോജുവിന്റേതായി പുറത്തിയ ചിത്രം. ജൂൺ 18നാണ് ജഗമേ തന്തിരം നെറ്റ്ഫ്‌ലിക്‌സില്‍ റിലീസ് ചെയ്തത്. ചിത്രത്തിന് സമ്മിശ്ര പ്രതികരണമാണ് സമൂഹ മാധ്യമങ്ങളിൽ നിന്ന് ലഭിക്കുന്നത്. എന്നാൽ, ചിത്രത്തിലെ ജോജുവിന്റെ അഭിനയത്തെക്കുറിച്ച് മികച്ച പ്രതികരണമാണ് ലഭിക്കുന്നത്.
