റിസോർട്ട് കേന്ദ്രീകരിച്ച് മാരകമയക്കുമരുന്ന് വിൽപ്പനയ്ക്ക് ശ്രമിച്ച ഏ​ഴ് യു​വാ​ക്കൾ പി​ടി​യിൽ

ആ​ല​പ്പു​ഴ: റിസോർട്ട് കേന്ദ്രീകരിച്ച് മാരകമയക്കുമരുന്ന് എം​ഡി​എം​എ വിൽപ്പനയ്ക്ക് ശ്രമിച്ച ഏ​ഴ് യു​വാ​ക്ക​ളെ പോ​ലീ​സ് പി​ടി​കൂ​ടി. ഹ​രി​പ്പാ​ട് സ്വ​ദേ​ശി​ക​ളാ​യ പ്ര​ണ​വ്, സ​ജി​ൻ, ശ്രാ​വ​ൺ, അ​ക്ഷ​യ്, സ​ച്ചി​ൻ, അ​ർ​ജു​ൻ, ര​ഘു​രാ​മ​ൻ എ​ന്നി​വ​രാ​ണ് പി​ടി​യി​ലാ​യ​ത്. സി​ന്ത​റ്റി​ക് വി​ഭാ​ഗ​ത്തി​ൽ പെ​ട്ട 50 ഗ്രാം ​എം​ഡി​എം​എയാണ് ഇവരിൽ നി​ന്ന് പി​ടി​ച്ചെ​ടു​ത്തത്. ഹ​രി​പ്പാ​ടു​ള്ള റി​സോ​ർ​ട്ട് കേ​ന്ദ്രീ​ക​രി​ച്ചാണ് ഇ​വ​ർ മ​യ​ക്കു​മ​രു​ന്ന് വി​ൽ​ക്കാ​ൻ ശ്ര​മി​ച്ച​ത്.

ര​ണ്ട​ര ല​ക്ഷ​ത്തോ​ളം രൂ​പ മൂ​ല്യ​മു​ള്ള​താ​ണ് പി​ടി​ച്ചെ​ടു​ത്ത മ​യ​ക്കു​മ​രു​ന്ന്. ഹ​രി​പ്പാ​ട് സി​ഐ ബി​ജു വി ​നാ​യ​രു​ടെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘ​മാ​ണ് ഇ​വ​രെ പി​ടി​കൂ​ടി​യ​ത്. മ​യ​ക്കു​മ​രു​ന്നു​ക​ളി​ൽ കു​റ​ച്ച് ഇ​വ​ർ വി​ല്പ​ന ന​ട​ത്തി​യെ​ന്നാ​ണ് വി​വ​രം. വാ​ങ്ങി​യ ആ​ൾ​ക്കാ​രെ കേ​ന്ദ്രീ​ക​രി​ച്ചും അ​ന്വേ​ഷ​ണം പു​രോ​ഗ​മി​ക്കു​ന്നു​ണ്ട്.

നാ​ളു​ക​ളാ​യി ഇ​വ​ർ പൊ​ലീ​സ് നി​രീ​ക്ഷ​ണ​ത്തി​ലാ​യി​രു​ന്നു. ഇ​വ​രു​ടെ താ​വ​ളം റെ​യ്ഡ് ചെ​യ്താ​യി​രു​ന്നു അ​റ​സ്റ്റ്. ബം​ഗ​ളൂ​രു​വി​ൽ നി​ന്നാ​ണ് ജി​ല്ല​യി​ലേ​ക്ക് എം​ഡി​എം​എ എ​ത്തു​ന്ന​ത് എ​ന്നാ​ണ് വി​വ​രം.