ശാസ്താംകോട്ട: ദേവസ്വം ബോര്‍ഡ് കോളജിന് സമീപം സൃഹുത്തുക്കള്‍ക്കൊപ്പം നിന്ന വിദ്യാര്‍ഥിനിക്ക് നേരെ മര്‍ദനം. പുന്നക്കാട് സ്വദേശികളായ യുവാക്കളാണ് യുവതിയെ മര്‍ദിച്ചത്. സുഹൃത്തുക്കള്‍ക്കൊപ്പം നിന്ന വിദ്യാര്‍ഥിനികളെ അസഭ്യം പറയുകയും തുടര്‍ന്ന് മര്‍ദിക്കുകയുമായിരുന്നു.
പരിക്കേറ്റ പെണ്‍കുട്ടിയെ താലൂക്ക് ആശുപത്രിയിലും പിന്നീട് തിരുവനന്തപുരം മെഡിക്കല്‍ കോളജ് ആശുപത്രിയിലും പ്രവേശിപ്പിച്ചു. യുവതിയുടെ സുഹൃത്തുക്കളുടെ മര്‍ദനത്തില്‍ ആക്രമിച്ച യുവാക്കള്‍ക്കും പരിക്കേറ്റിട്ടുണ്ട്.
നിലവില്‍ ഇവര്‍ ആലപ്പുഴ വണ്ടാനം മെഡിക്കല്‍ കോളജ് ആശുപത്രിയില്‍ പൊലീസ് നിരീക്ഷണത്തില്‍ ചികിത്സയിലാണ്. ഇരു വിഭാഗവും നല്‍കിയ പരാതിയുടെ അടിസ്ഥാനത്തില്‍ ശാസ്താംകോട്ട പൊലീസ് കേസെടുത്തു.
