കൊച്ചി: തിരുവനന്തപുരം-ഷൊര്‍ണൂര്‍ പാതയില്‍ സര്‍വീസ് നടത്തുന്ന വേണാട് എക്‌സ്പ്രസ് സ്‌പെഷ്യല്‍ സര്‍വീസുകള്‍ (06301/06302) ശനി, ഞായര്‍ ദിവസങ്ങളില്‍ സര്‍വീസ് നടത്തില്ലെന്ന് റെയില്‍വെ അധികൃതര്‍ അറിയിച്ചു. സംസ്ഥാനത്ത് ശനി, ഞായര്‍ ദിവസങ്ങളില്‍ ലോക്ക്ഡൗണിന് സമാനമായ നിയന്ത്രണങ്ങള്‍ നിലനില്‍ക്കുന്നതിനാലാണിത്.
മെമു ഉള്‍പ്പെടെ എട്ട് പാസഞ്ചര്‍ സര്‍വീസുകള്‍ നേരത്തെ റദ്ദാക്കിയിരുന്നു. റദ്ദാക്കിയ മറ്റു സര്‍വീസുകള്‍: കൊല്ലം ജങ്ഷന്‍-ആലപ്പുഴ മെമു-06014, ആലപ്പുഴ-കൊല്ലം മെമു-06013, എറണാകുളം ജങ്ഷന്‍-ആലപ്പുഴ മെമു-06015, ആലപ്പുഴ-എറണാകുളം മെമു-06016, ഷൊര്‍ണൂര്‍ ജങ്ഷന്‍-എറണാകുളം ജങ്ഷന്‍ മെമു-06017, എറണാകുളം-ഷൊര്‍ണൂര്‍ മെമു-06018, പുനലൂര്‍-ഗുരുവായൂര്‍ പ്രതിദിന സ്‌പെഷല്‍-06327, ഗുരുവായൂര്‍-പുനലൂര്‍ പ്രതിദിന സ്‌പെഷല്‍-06328.
