കണ്ണൂർ: ധർമ്മടത്ത് മുഖ്യമന്ത്രി പിണറായി വിജയന്റെ കട്ടൗട്ടിൽ നിന്ന് വെട്ടിമാറ്റിയ തല ഭാഗവും സ്റ്റീൽ ബോംബും കണ്ടെത്തി. നാല് ബോംബുകളും കട്ടൗട്ടിന്റെ തല ഭാഗവും ഒളിപ്പിച്ച നിലയിലാണ് കണ്ടെത്തിയത്. ബോംബ് നിർമ്മാണത്തിന് ഉപയോഗിക്കുന്ന വസ്തുക്കളും സമീപത്ത് നിന്ന് കണ്ടെത്തിയിട്ടുണ്ട്.
മമ്പറം ടെലിഫോൺ എക്‌സ്‌ചേഞ്ചിന് സമീപമായാണ് ഇവ കണ്ടെത്തിയത്. മമ്പറം പാലത്തിന് സമീപം സ്ഥാപിച്ച കട്ടൗട്ടാണ് തല മുറിച്ചു മാറ്റിയ നിലയിൽ കണ്ടെത്തിയത്. സംഭവത്തിൽ പോലീസ് അന്വേഷണം ആരംഭിച്ചിരുന്നു. ഏപ്രിൽ നാലിന് അർദ്ധരാത്രിയാണ് തലയില്ലാത്ത നിലയിൽ പിണറായി വിജയന്റെ കട്ടൗട്ട് കണ്ടെത്തിയത്.
