ആലപ്പുഴ: ബൈപ്പാസിൽ കാറും മിനിലോറിയും കൂട്ടിയിടിച്ചുണ്ടായ വാഹനാപകടത്തിൽ യുവാവ് മരിച്ചു. കാറോടിച്ചിരുന്ന ആലപ്പുഴ കളപ്പുര വാർഡിൽ ആന്റണിയുടെ മകൻ ആഷ്‍ലിൻ ആന്റണി (26) യാണ് മരിച്ചത്. കൂടെയുണ്ടായിരുന്ന തലവടി ശിവശക്തിയിൽ കുമാറിന്റെ മകൻ ജിഷ്ണു (24) പരിക്കേറ്റ് വണ്ടാനം മെഡിക്കൽ കോളേജിൽ ചികിത്സയിലാണ്.
ഇന്ന് പുലർച്ചെ രണ്ട് മണിയോടെയായിരുന്നു അപകടം. മാളിമുക്ക് മേൽപ്പാലത്തിന് സമീപത്തുവച്ച് കളർകോട് ഭാഗത്തേക്ക് പോകുകയായിരുന്ന കാറും മിനിലോറിയുമായി കൂട്ടിയിടിക്കുകയായിരുന്നു. അപകടത്തെ തുടർന്ന് ബൈപ്പാസിൽ ഗതാഗത തടസ്സവുമുണ്ടായി. രാവിലെയോടെയാണ് വാഹനങ്ങൾ നീക്കാനായത്.
