മുണ്ടക്കയം: വിനോദ സഞ്ചാരികളുമായി യാത്ര ചെയ്യുന്നതിനിടെ ടെമ്പോ ട്രാവലർ കത്തിനശിച്ചു. ഡ്രൈവര്‍ ഉള്‍പ്പെടെ യാത്രക്കാര്‍ പരിക്കേൽക്കാതെ അത്ഭുതകരമായി രക്ഷപ്പെട്ടു. വാഗമണ്‍ ഈരാറ്റുപേട്ട റോഡില്‍ വെള്ളികുളത്തിനു സമീപമാണ് ടെമ്പോ ട്രാവലര്‍ പൂർണമായും കത്തിനശിച്ചത്.
ഇന്ന് വൈകിട്ട് മൂന്നോടെ പിറവം സ്വദേശികള്‍ സഞ്ചരിച്ച വാഹനമാണ് കത്തിയത്. പുക ഉയരുന്നത് കണ്ട ഡ്രൈവര്‍ വാഹനം പാതയോരത്ത് നിര്‍ത്തി യാത്രക്കാരെ പുറത്തിറക്കി. ഇതിനിടെ വാഹനത്തില്‍ നിന്നും തീ ആളി പടരുകയായിരുന്നു.
വാഗമണ്‍ സന്ദര്‍ശിക്കാനെത്തിയ മൂന്ന് കുടുംബങ്ങളാണ് വാഹനത്തില്‍ ഉണ്ടായിരുന്നത്. ഡ്രൈവര്‍ ഉള്‍പ്പെടെ യാത്രക്കാര്‍ പരിക്കുകള്‍ ഏല്‍ക്കാതെ രക്ഷപെട്ടു. ഈരാറ്റുപേട്ട പോലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു. വാഹനത്തിന് തീപിടിക്കാനുള്ള കാരണം വ്യക്തമല്ല.
