കോഴിക്കോട്: മെഡിക്കല്‍ കോളജ് ആശുപത്രിയില്‍ നിരീക്ഷണത്തിലുണ്ടായിരുന്ന യുവാവ് ചാടിപ്പോയി. കോഴിക്കോട് പൊക്കുന്ന് സ്വദേശിയാണ് ചാടിപ്പോയത്. വീട്ടിലെത്തിയ ഇയാള്‍ മാനസിക അസ്വാസ്ഥ്യം പ്രകടിപ്പിക്കുന്നതായി പോലീസ് പറയുന്നു.
അതേസമയം കൊറോണ വ്യാപനം കണക്കിലെടുത്ത് കോഴിക്കോട് ബീച്ച്‌ ആശുപത്രി സമ്പൂര്‍ണ കോവിഡ് സെന്‍ററാക്കി മാറ്റാന്‍ തീരുമാനിച്ചു. ജില്ലയില്‍ കൊറോണ കേസുകള്‍ വര്‍ധിച്ചുവരുന്ന സാഹചര്യത്തിലാണ് തീരുമാനം. ഇത് സംബന്ധിച്ച്‌ നടപടിക്രമങ്ങള്‍ ആരംഭിച്ചതായി ജില്ലാ കളക്ടര്‍ സാംബശിവ റാവു അറിയിച്ചു.
കൊറോണ ലക്ഷണങ്ങളോടെ എത്തുന്നവരുടെ അഡ്മിഷന്‍ മെഡിക്കല്‍ കോളജില്‍ മാത്രമായിരിക്കും. പോസിറ്റീവ് കേസിലെ ഗുരുതരമല്ലാത്തവരെ ബീച്ച്‌ ആശുപത്രിയിലേക്ക് മാറ്റും.
