പാലക്കാട്: തൃത്താലയില്‍ കൊറോണ നിരീക്ഷണത്തില്‍ കഴിയവെ ക്വാറന്‍റൈന്‍ കേന്ദ്രത്തില് നിന്നും മുങ്ങിയ യുവാവിന് കൊറോണ സ്ഥിരീകരിച്ചു. തൃത്താലയിലെ കൂടലൂരിൽ നിന്നാണ് യുവാവ് മുങ്ങിയത്. നിരവധി പേരുമായി ഇയാള്‍ സമ്പര്‍ക്കത്തിലേര്‍പ്പെട്ടത് വലിയ ആശങ്കയാണുണ്ടാക്കുന്നത്.
തൃത്താലയില്‍ നിന്നും കോഴിക്കോട് വരെ ഒരു സുഹൃത്തിനൊപ്പം ബൈക്കില്‍ യാത്ര ചെയ്ത യുവാവ് കെഎസ്ആര്‍ടിസി ബസില്‍ നാട്ടിലേക്ക് പോകാന്‍ ശ്രമിച്ചു. കെ എസ് ആർ ടി സി ബസിലെ യാത്രക്കിടെ കൊയിലാണ്ടിയിൽ നിന്ന് ഇയാളെ പൊലീസ് പിടികൂടുകയായിരുന്നു.
കണ്ണൂർ സ്വദേശിയാണ് കൊറോണ നിരീക്ഷണത്തിലിരിക്കെ പരിശോധന ഫലം വരും മുൻപ് ക്വാറന്‍റൈന്‍ കേന്ദ്രത്തില് നിന്നും കടന്ന് കളഞ്ഞത്. ഇയാള്‍ക്കെതിരെ തൃത്താല പൊലീസ് കേസെടുത്തു.
