കൊച്ചി: വില്പനക്കായി കൊണ്ടുവന്ന ഹാഷിഷ് ഓയിലുമായി യുവാവ് പിടിയിൽ.
മൂവാറ്റുപുഴ വാഴപ്പിള്ളി പുത്തൻവേലിക്കര വീട്ടിൽ അൻവർ സാദിഖാ (26)ണ് കാക്കനാട് ഇടച്ചിറയിൽ വച്ച് പിടിയിലായത്. ചെറിയ കുപ്പികളിലായി സൂക്ഷിച്ചിരുന്ന ഹാഷിഷ് ഓയിൽ ചില്ലറ വിൽപ്പനയ്ക്കായി ശ്രമിക്കുന്നതിനിടയിലാണ് ഇയാൾ പോലീസിൻ്റെ വലയിലായത്.
ടാക്സി ഡ്രൈവറായ ഇയാൾ കാക്കനാട്, തൃപ്പൂണിത്തുറ എന്നിവിടങ്ങളിൽ യുവാക്കൾക്കും മറ്റും വിൽപ്പന നടത്തി വരികയായിരുന്നു. കൊച്ചി സിറ്റി കമ്മീഷണർ വിജയ് സാഖറെ ഐ.പി.എസിന് ലഭിച്ച രഹസ്യവിവരത്തേ തുടർന്നായിരുന്നു അന്വേഷണം.
ഡപൂട്ടി കമ്മീഷണർ ജി. പൂങ്കുഴലി ഐപിഎസിൻ്റെ നിർദ്ദേശാനുസരണം നാർക്കോട്ടിക് അസി.കമ്മീഷണർ ബിജി ജോർജ് ,ഡാൻസാഫ് എസ് ഐ. ജോസഫ് സാജൻ, ഇൻഫോ പാർക്ക് എസ്.ഐ രാധാകൃഷ്ണൻ, എ.എസ്.ഐ ഹനീഫ് , ഡാൻസാഫിലെ പൊലീസുകാർ എന്നിവർ ചേർന്നാണ് പ്രതിയെ അറസ്റ്റു ചെയ്തത്.
