കൊച്ചി: കനത്ത മഴ തുടരാനുള്ള സാധ്യത കണക്കിലെടുത്ത് എറണാകുളം ജില്ലയിലെ പ്രൊഫഷണല്‍ കോളേജുകള്‍ ഉള്‍പ്പെടെ എല്ലാ വിദ്യാഭ്യാസ സ്ഥാപനങ്ങള്‍ക്കും നാളെ ജില്ലാ കളക്ടര്‍ അവധി പ്രഖ്യാപിച്ചു. കേന്ദ്രീയ വിദ്യാലയങ്ങള്‍ക്കും അങ്കണവാടികള്‍ക്കും അവധി ബാധകമാണെന്നും അറിയിപ്പില്‍ വ്യക്തമാക്കുന്നു.
ഇന്നലെ അര്‍ദ്ധരാത്രി മുതല്‍ പെയ്ത മഴയില്‍ കൊച്ചി നഗരത്തിലും സമീപപ്രദേശങ്ങളിലും വെള്ളക്കെട്ട് രൂക്ഷമാണ്. പ്രധാന പാതകളിലടക്കം വെള്ളം കയറിയതിനെ തുടര്‍ന്ന് വലിയ ഗതാഗതക്കുരുക്കും അനുഭവപ്പെട്ടിരുന്നു.
