ശ്രീനഗര്‍: ജമ്മു കശ്മീരില്‍ സൈനിക ക്യാമ്പിന് നേരെ ഭീകരാക്രമണം. രജൗരിയിലെ സൈനിക ക്യാമ്പിന് നേര്‍ക്കാണ് ആക്രമണം ഉണ്ടായത്. ചാവേറാക്രമണത്തില്‍ മൂന്ന് സൈനികര്‍ കൊല്ലപ്പെട്ടു.
സൈനിക ക്യാമ്പ് ലക്ഷ്യമിട്ട് രണ്ട് ഭീകരരാണ് ആക്രമണം നടത്തിയത്. ഇരുവരും കൊല്ലപ്പെട്ടു. ആക്രമണത്തില്‍ രണ്ട് സൈനികര്‍ക്ക് പരുക്കേറ്റതായും റിപ്പോര്‍ട്ടുകളുണ്ട്.
ആക്രമണത്തെത്തുടര്‍ന്ന് സൈന്യം പ്രദേശം വളഞ്ഞിട്ടുണ്ട്. ഇവിടെ സൈനിക നടപടി തുടരുകയാണെന്നാണ് റിപ്പോര്‍ട്ടുകള്‍. കൂടുതല്‍ ഭീകരര്‍ പ്രദേശത്ത് ഒളിച്ചിരുപ്പുണ്ടോ എന്ന് കണ്ടെത്താനായി തിരച്ചിലും ഊര്‍ജ്ജിതമാക്കിയിട്ടുണ്ട്.
