കൊച്ചി: ഇടപ്പള്ളിയില്‍ നാലുനില കെട്ടിടത്തിന് തീപിടിച്ച സംഭവത്തില്‍ ഒന്‍പത് പേരെ ആശുപത്രിയില്‍ പ്രവേശിപ്പിച്ചു. ഇതില്‍ രണ്ടുപേര്‍ക്ക് പൊള്ളലേറ്റു. ആരുടെയും പരിക്ക് ഗുരുതരമല്ലെന്നാണ് സൂചന.
കുന്നുംഭാഗത്തുള്ള കെട്ടിടത്തിൽ ഇന്നുരാവിലെയാണ് തീപടർന്നത്. ഫയര്‍ഫോഴ്‌സും നാട്ടുകാരുമാണ് രക്ഷാപ്രവര്‍ത്തനത്തിന് നേതൃത്വം നല്‍കിയത്. അതേസമയം, കെട്ടിടത്തിലെ തീ പൂര്‍ണമായും അണച്ചു.
ലോഡ്ജും ഹോട്ടലും ഉള്‍പ്പടെ പ്രവര്‍ത്തിക്കുന്ന കെട്ടിടത്തിലാണ് തീപടര്‍ന്നത്. സംഭവത്തില്‍ എത്രരൂപയുടെ നാശനഷ്ടമുണ്ടായെന്ന് വ്യക്തമല്ല. ഷോര്‍ട്ട്‌സര്‍ക്യൂട്ടാണ് അപകടകാരണമെന്നാണ് പ്രാഥമിക നിഗമനം.
