കോഴിക്കോട്: വീട്ടുമുറ്റത്ത് കൂട്ടുകാരോടൊപ്പം കളിച്ച് കൊണ്ടിരിക്കെ മരം ദേഹത്ത് വീണ് വിദ്യാർഥിനി മരിച്ചു. വാഴക്കാട് എളമരം പുന്നാട്ടിൽ ഷംസുദ്ദീന്റെ മകൾ ഹിദ ഫാത്തിമ (12) യാണ് വീട്ടുമുറ്റത്തെ മാവിൻ കൊമ്പ് ദേഹത്ത് വീണ് മരിച്ചത്. വാഴക്കാട് എടവണ്ണപ്പാറ സിഎച്ച് എംകെഎം യു പി സ്‌കൂൾ ആറാം ക്ലാസ് വിദ്യാർഥിനിയാണ് ഫാത്തിമ .
ഇന്നലെ വൈകീട്ട് 3.30 ഓടെയാണ് സംഭവം. ഉടനെ കോഴിക്കോട് മെഡിക്കൽ കോളേജിൽ എത്തിച്ചെങ്കിലും രക്ഷിക്കാനായില്ല. മാതാവ്: സജ്‌ന കൊടിയത്തൂർ .സഹോദരങ്ങൾ: മുഹമ്മദ് ശാമിൽ, ഹിഷ ഫാത്തിമ.
