കൊച്ചി : പെരുമ്പാവൂർ കോടനാട് ബിജെപി പ്രവർത്തകന് വെട്ടേറ്റു. എളമ്പകപിള്ളി സ്വദേശി പ്രമോദിനാണ് വെട്ടേറ്റത്. പ്രമോദിനെ കോലഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
രാത്രിയോടെയായിരുന്നു സംഭവം. പ്രമോദിന്റെ തലയ്ക്കാണ് വെട്ടേറ്റത്. ആദ്യം പെരുമ്പാവൂരിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും നില ഗുരുതരമായതിനാൽ മെഡിക്കൽ കോളേജിലേക്ക് മാറ്റുകയായിരുന്നു. തീവ്രപരിചരണ വിഭാഗത്തിലാണ് പ്രമോദിനെ പ്രവേശിപ്പിച്ചിരിക്കുന്നത്.
സംഭവത്തിൽ കോടനാട് പോലീസ് കേസ് എടുത്ത് അന്വേഷണം ആരംഭിച്ചു. പ്രതികൾ ഒളിവിൽ പോയെന്നാണ് സൂചന.
