മലപ്പുറം: ആശങ്ക പടർത്തി കരിപ്പൂർ വിമാനത്താവളത്തിലെ റൺവേയ്ക്ക് സമീപം ഉഗ്രശേഷിയുള്ള സ്‌ഫോടക വസ്തു കണ്ടെത്തി. കൊണ്ടോട്ടി ഹയർസെക്കന്ററി സ്‌കൂളിന് സമീപം റൺവേയുടെ സുരക്ഷാ മതിലിനോട് ചേർന്നാണ് സ്‌ഫോടക വസ്തു കണ്ടെത്തിയത്. ബോംബ് സ്‌ക്വാഡെത്തി ഇത് നിർവ്വീര്യമാക്കി.
കഴിഞ്ഞ രണ്ട് ദിവസമായി സ്‌ഫോടക വസ്തു പ്രദേശത്ത് കിടന്നിരുന്നുവെന്നാണ് നാട്ടുകാർ പറയുന്നത്. സ്‌കൂൾ കുട്ടികളാണ് ഇക്കാര്യം ആദ്യം കണ്ടത്. തുടർന്ന് വിവരം അറിഞ്ഞ നാട്ടുകാർ പോലീസിനെ അറിയിക്കുകയായിരുന്നു.
