കൊച്ചി: സുഹൃത്തുക്കള്‍ക്കൊപ്പം ഉല്ലാസ യാത്രക്കെത്തിയ വിദ്യാര്‍ത്ഥി പെരിയാര്‍ പുഴയില്‍ മുങ്ങി മരിച്ചു. കളമശ്ശേരി പുന്നക്കാട്ടു മൂല യൂണിവേഴ്‌സിറ്റിക്ക് സമീപം ആദര്‍ശാണ് ( 19 ) പുഴയില്‍ മുങ്ങി മരിച്ചത് .ക്രാരിയേലി കടവില്‍ ആദര്‍ശ് സുഹൃത്തുക്കളോടൊപ്പം മറുകരയിലേക്ക് നടന്ന് കടക്കാന്‍ ശ്രമിക്കുന്നതിനിടയില്‍ ആഴമുള്ള കയത്തില്‍ മുങ്ങി താഴുകയായിരുന്നു.
വിവരമറിഞ്ഞെത്തിയ നാട്ടുകാരാണ് ആദര്‍ശിനെ കയത്തില്‍ നിന്നും മുങ്ങിയെടുത്തത്. ജഡം താലൂക്കാശുപത്രി മോര്‍ച്ചറിയില്‍ ശനിയാഴ്ച ഉച്ച കഴിഞ്ഞാണ് സംഭവം. ഐറ്റി ഐ വിദ്യാർഥിയായിരുന്നു ആദർശ്. പിതാവ്: സാബു .മാതാവ്: രജനി. സഹോദരന്‍: ആദിത്യന്‍
