തൃശൂർ: കൊറോണ പ്രോട്ടോക്കോൾ ലംഘിച്ചതിന് ബിജെപി ദേശീയ അധ്യക്ഷൻ ജെപി നഡ്ഡക്കെതിരേ കേസ്. തൃശൂരിലെ തേക്കിൻകാട് മൈതാനിയിൽ കൊറോണ പ്രോട്ടോക്കോൾ ലംഘിച്ച് ആൾക്കൂട്ടം സംഘടിപ്പിച്ചതിനാണ് കേസ്. പാർട്ടിയുടെ പൊതുസമ്മേളനം നദ്ദയാണ് ഉദ്ഘാടനം ചെയ്ത്. എപ്പിഡമിക് ആക്‌ട് പ്രകാരമാണ് കേസെടുക്കുക.
നദ്ദയ്ക്ക് പുറമെ സംസ്ഥാന-ജില്ലാ നേതാക്കൾക്കെതിരെയും കണ്ടാൽ അറിയാവുന്ന ആയിരം പേർക്കെതിരെയും കേസെടുക്കുമെന്ന് പോലീസ് അറിയിച്ചു. കൊറോണ മാനദണ്ഡം ലംഘിച്ച് 5,000 പേരാണ് തേക്കിൻകാട് മൈതാനിയിൽ സംഘടിച്ചത്.
140 നിയോജകമണ്ഡലങ്ങളിലെ കൺവീനർമാരും ഭാരവാഹികളും പങ്കെടുത്ത യോഗത്തിലാണ് നദ്ദ പ്രസംഗിച്ചത്. ദേശീയ പ്രസിഡന്റ് പദവിയിലെത്തിയ ശേഷം ആദ്യമായി കേരളത്തിലെ പൊതുസമ്മേളനത്തെ അദ്ദേഹം അഭിസംബോധന ചെയ്തത്.
