തിരുവനന്തപുരം: കല്ലമ്പലത്ത് നവവധുവിനെ ഭർത്താവിൻ്റെ വീട്ടിൽ മരിച്ച നിലയിൽ കണ്ടെത്തി. വീട്ടിലെ കുളിമുറിയിൽ കഴുത്തറുക്കപ്പെട്ട നിലയിലാണ് കല്ലമ്പലം സുനിതാ ഭവനിൽ ആതിര (24) യുടെ മൃതദേഹം കണ്ടെത്തിയത്. ഒന്നര മാസം മുൻപായിരുന്നു വിവാഹം.
കല്ലമ്പലം പോലീസ് കേസെടുത്തു.കൈ ഞരമ്പും മുറിഞ്ഞ നിലയിലാണ്. ഇന്ന് ഉച്ചയോട് കൂടിയാണ് ആതിരയെ കുളിമുറിയിൽ കഴുത്തറുത്ത നിലയിൽ കണ്ടെത്തിയത്.
കുളിക്കാൻ പോയതിന് ശേഷം കാണാത്തതിനെ തുടർന്ന് നടത്തിയ അന്വേഷണത്തിലാണ് കുളിമുറിയിൽ കഴുത്തറുത്ത നിലയിൽ യുവതിയെ കണ്ടെത്തുന്നത്. ഉടനെ ആശുപത്രിയിൽ കൊണ്ടു പോയെങ്കിലും രക്ഷിക്കാനായില്ല. പോലീസ് വിശദമായ അന്വേഷണം ആരംഭിച്ചു.
