വേണ്ടപ്പെട്ടവരെ നിയമിക്കാൻ രഹസ്യ ഇൻ്റർവ്യൂ; ബിവ​റേ​ജ​സ് ​കോ​ർ​പ​റേ​ഷ​നി​ലും പി​ൻ​വാ​തി​ൽ നി​യ​മ​ന​ത്തി​ന്​ തിരക്കിട്ട നീക്കം

കൊച്ചി: ബിവ​റേ​ജ​സ് ​കോ​ർ​പ​റേ​ഷ​നി​ലും പി​ൻ​വാ​തി​ൽ നി​യ​മ​ന​ത്തി​ന്​ തിരക്കിട്ട നീക്കം. തെരഞ്ഞെടുപ്പ് പെരുമാറ്റചട്ടം നിലവിൽ വരുന്നതിന് മുമ്പ് നിയമനത്തിനാണ് നീക്കം.

സ്വ​കാ​ര്യ ക​രാ​റു​കാ​ർ വ​ഴി നി​യ​മി​ക്ക​പ്പെ​ട്ട സെ​ക്യൂ​രി​റ്റി ജീ​വ​ന​ക്കാ​രെ​യാ​ണ്​ ഏ​റ്റ​വു​മൊ​ടു​വി​ൽ സ്ഥി​ര​പ്പെ​ടു​ത്താ​ൻ ശ്ര​മി​ക്കു​ന്ന​ത്. തി​രു​വ​ന​ന്ത​പു​രം കേ​ന്ദ്രീ​ക​രി​ച്ച്​ പ്ര​വ​ർ​ത്തി​ക്കു​ന്ന നി​യ​മ​ന​ലോ​ബി​ക്ക്​ പി​ന്തു​ണ​യു​മാ​യി കോ​ർ​പ​റേ​ഷ​നി​ലെ ഇ​ട​ത്​ യൂണിനു​ക​ളു​ടെ നേ​താ​ക്ക​ളും രം​ഗ​ത്തു​ണ്ട്.

എം​പ്ലോ​യ്​​മെൻറ്​ എ​ക്​​സ്​​ചേ​ഞ്ച്​ വ​ഴി സ്വീ​പ്പ​ർ, സ്​​കാ​വ​ഞ്ച​ർ ത​സ്​​തി​ക​യി​ലേ​ക്ക്​ നേ​രി​ട്ട്​ ന​ട​ത്തു​ന്ന നി​യ​മനത്തിൻ്റെ മറപിടിച്ചാണ് ഇപ്പോഴത്തെ പിൻവാതിൽ നിയമനം. മ​റ്റ്​ ത​സ്​​തി​ക​ക​ളെ​ല്ലാം പിഎ​സ്സി​ക്ക്​ വി​ട്ടെങ്കി​ലും ഈ ​ത​സ്​​തി​ക​ക​ൾ കോ​ർ​പ​റേ​ഷ​ൻ കൈ​വ​ശം വെ​ച്ചി​രി​ക്കു​ക​യാ​യി​രു​ന്നു.

ക​ഴി​ഞ്ഞ ഒ​ക്​​ടോ​ബ​ർ 15 മു​ത​ൽ പ​ല ദി​വ​സ​ങ്ങ​ളി​ലാ​യി​ തൃ​ശൂ​രി​ലെ റീ​ജ​ന​ൽ മാ​നേ​ജ​ര​റു​ടെ ഓ​ഫി​സി​ൽ ഇ​തി​ന്​ ഇ​ൻ​റ​ർ​വ്യൂ​വും ന​ട​ത്തി​യി​രു​ന്നു. തദ്ദേശതെ​ര​ഞ്ഞെ​ടു​പ്പ്​ വ​ന്ന​തോ​ടെ നി​ർ​ത്തി​വെ​ച്ച നി​യ​മ​ന ന​ട​പ​ടി​ക​ൾ ഇ​പ്പോ​ൾ വീ​ണ്ടും സ​ജീ​വ​മാ​യി​ട്ടു​ണ്ട്.

എ​ത്ര ഒ​ഴി​വു​ണ്ടെ​ന്നോ എ​ത്ര​പേ​രെ നി​യ​മി​ക്കു​മെ​ന്നോ ഉ​ള്ള വി​വ​ര​ങ്ങ​ൾ കോ​ർ​പ​റേ​ഷ​ൻ പു​റ​ത്തു​വി​ട്ടി​ട്ടു​മി​ല്ല. വി​ധ​വ​ക​ൾ, വി​ക​ലാം​ഗ​ർ, മ​റ്റ്​ നി​രാ​ലം​ബ​ർ എ​ന്നി​വ​ർ​ക്കൊ​ക്കെ മു​ൻ​ഗ​ണ​ന​യു​ണ്ടെ​ങ്കി​ലും രഹസ്യ ഇ​ൻ​റ​ർ​വ്യൂ​വി​ന്​ എ​ത്തി​യ​തി​ൽ ബ​ഹു​ഭൂ​രി​പ​ക്ഷ​വും ഭ​ര​ണ​ക​ക്ഷി​യി​ലെ നേ​താ​ക്ക​ളു​ടെ അ​ടു​ത്ത ബ​ന്ധു​ക്ക​ളും മ​റ്റു​മാ​ണെ​ന്ന്​ ഉ​ദ്യോ​ഗ​സ്ഥ​രും സ​മ്മ​തി​ക്കു​ന്നു.

ഏ​താ​നും​ വ​ർ​ഷം മു​മ്പ്​ കു​പ്പി​ക​ളി​ൽ ലേ​ബ​ൽ പ​തി​പ്പി​ക്കാ​ൻ ക​രാ​ർ എ​ടു​ത്ത​വ​ർ നി​യോ​ഗി​ച്ച നൂ​റു​ക​ണ​ക്കി​ന്​ ക​രാ​ർ തൊ​ഴി​ലാ​ളി​ക​ളെ സ്ഥി​ര​പ്പെ​ടു​ത്തി​യി​രു​ന്നു. കേ​ര​ള​ത്തി​ൽ ചാ​രാ​യ​നി​രോ​ധ​നം വ​ന്ന കാ​ല​ത്ത്​ തൊ​ഴി​ൽ​ര​ഹി​ത​രാ​യ​വ​രെ​യും ആ​ശ്രി​ത​രെ​യും അ​ബ്​​കാ​രി തൊ​ഴി​ലാ​ളി ക്ഷേ​മ​നി​ധി ബോ​ർ​ഡി​നു​കീ​ഴി​ൽ ബി​വ​റേ​ജ​സ്​ കോ​ർ​പ​റേ​ഷ​നി​ലേ​ക്ക്​ നി​യോ​ഗി​ച്ചി​രു​ന്നു. ഇ​ത്ത​ര​ത്തി​ലെ ര​ണ്ടാ​യി​ര​ത്തോ​ളം​പേ​ർ ഇ​പ്പോ​ഴും കോ​ർ​പ​റേ​ഷ​ൻ്റെ ഭാ​ഗ​മാ​യി​ട്ടി​ല്ല. ഇ​വ​രെ ത​ഴ​ഞ്ഞാ​ണ്​ യൂ​ണിയ​ൻ നേ​താ​ക്ക​ൾ​ക്കും മ​റ്റും താ​ൽ​പ​ര്യ​മു​ള്ള​വ​രെ തി​രു​കി​ക്ക​യ​റ്റു​ന്ന​ത്.

അ​ബ്​​കാ​രി മേ​ഖ​ല​യി​ൽ തൊ​ഴി​ൽ പ​രി​ച​യ​മു​ള്ള​വ​രെ​ന്ന പേ​രി​ലാ​ണ്​ മി​ക്ക​വ​രെ​യും കോ​ർ​പ​റേ​ഷ​നി​ൽ സ്ഥി​ര​പ്പെ​ടു​ത്തു​ന്ന​ത്. പ​ല ജോ​ലി​ക​ൾ​ക്കാ​യി ക​രാ​റ​ടി​സ്ഥാ​ന​ത്തി​ൽ ക​യ​റി​പ്പ​റ്റു​ന്ന​വ​ർ പി​ന്നീ​ട്​ തൊ​ഴി​ൽ​പ​രി​ച​യം നേ​ടാ​ൻ ക​ഴി​യു​ന്ന വി​ഭാ​ഗ​ങ്ങ​ളി​ലേ​ക്ക്​ മാ​റു​ക​യാ​ണ്​ പ​തി​വ്.