തൊടുപുഴ: കഴിഞ്ഞ തവണ കേരള കോണ്‍ഗ്രസിന് നല്‍കിയ മുഴുവന്‍ സീറ്റിലും ഇത്തവണയും മല്‍സരിക്കുമെന്ന് പി.ജെ. ജോസഫ്. നല്‍കിയ സീറ്റുകള്‍ നിലനിര്‍ത്തണം. സീറ്റുകള്‍ വെച്ചുമാറുന്നതില്‍ യുഡിഎഫുമായി ചര്‍ച്ചയ്ക്ക് തയ്യാറാണെന്ന്
തൊടുപുഴയിൽ വാർത്താസമ്മേളനത്തിൽ പി.ജെ. ജോസഫ് പറഞ്ഞു.
കേരളാ കോൺഗ്രസ്-എം ജോസ് കെ മാണി വിഭാഗത്തിനെതിരേ വിമർശനവും പി.ജെ. ജോസഫ് ഉന്നയിച്ചു. ദിശാബോധമില്ലാതെ ഒഴുകി നടക്കുന്ന കൊതുമ്പു വള്ളമാണ് ജോസ് വിഭാഗം. എപ്പോൾ വേണമെങ്കിലും ആ വള്ളം മുങ്ങാമെന്ന് പരിഹാസ രൂപേണ ജോസഫ് വിമർശിച്ചു.
കേരളാ കോൺഗ്രസിൽ നേതാക്കൾ ഏറെയും ജോസിനെ കൈവിട്ടിരിക്കുകയാണ്. ഇല്ലാത്ത കാര്യം പറയുന്ന റോഷി അഗസ്റ്റിൻ എംഎൽഎ മാത്രമാണ് അദ്ദേഹത്തിനൊപ്പമുള്ളത്. ജോസ് കെ. മാണിയുടെ കുഴലൂത്തുകാരനായി റോഷി മാറിയിരിക്കുകയാണെന്നും ജോസഫ് പറഞ്ഞു.
നിയമസഭാ, തദ്ദേശ തെരഞ്ഞെടുപ്പുകളിൽ കൂടുതൽ സീറ്റുകൾ തങ്ങൾക്കു വേണ്ട. കോൺഗ്രസ് കൂടുതൽ സീറ്റുകൾ ആവശ്യപ്പെട്ടിട്ടില്ലെന്നും ജോസഫ് വ്യക്തമാക്കി.
