തൃശൂര്‍: കൊറോണ വ്യാപനം സംബന്ധിച്ച് വര്‍ഗീയ പ്രചാരണം നടത്തിയ സംഘപരിവാര്‍ സൈദ്ധാന്തികന്‍ എന്‍. ഗോപാലകൃഷ്ണനെതിരേ കേസ്. രാജ്യത്ത് കൊറോണ പടര്‍ത്തിയത് മുസ്ലിംകളാണെന്ന പരാമര്‍ശത്തിന്‍റെ പേരിലാണു കേസ്. ഐപിസി 153, കേരള പോലീസ് ആക്‌ട് 120 വകുപ്പുകള്‍ പ്രകാരമാണു കുന്നംകുളം പോലീസ് കേസ് രജിസ്റ്റര്‍ ചെയ്തിരിക്കുന്നത്. എസ്ഡിപിഐ സംസ്ഥാന സെക്രട്ടേറിയറ്റ് അംഗം പി.കെ. ഉസ്മാൻ നൽകിയ പരാതിയെ തുടർന്നാണ് നടപടി. രാജ്യത്ത് കൊറോണ പടര്‍ത്തിയതു മുസ്ലിംകളാണെന്നു പറയുന്ന വീഡിയോ ഗോപാലകൃഷ്ണന്‍ സോഷ്യല്‍ മീഡിയ വഴി പ്രചരിപ്പിച്ചെന്നു പരാതിയില്‍ പറയുന്നു. ഇതിന്‍റെ വീഡിയോയും പരാതിക്കൊപ്പം സമര്‍പ്പിച്ചിട്ടുണ്ട്.
