കോട്ടയം: മഹാത്മാഗാന്ധി സര്‍വകലാശാല മെയ് 26 മുതൽ നടത്താനിരുന്ന ബിരുദ, ബിരുദാനന്തര പരീക്ഷകള്‍ മാറ്റി. പുതുക്കിയ തീയതി പിന്നീടറിയിക്കുമെന്ന് സർവകലാശാല വ്യക്തമാക്കി. രണ്ടു ദിവസത്തിനിടെ മുന്നാം തവണയാണ് എംജിയിൽ പരീക്ഷാ മാറ്റം.
സാങ്കേതിക സർവകലാശാലയുടെ എല്ലാ പരീക്ഷകളും ജൂലൈ മുതൽ നടത്തുമെന്ന് അധികൃതർ അറിയിച്ചു. ബിടെക്ക് എട്ടാം സെമസ്റ്റർ പരീക്ഷ ജൂലൈ ഒന്ന് മുതൽ ആരംഭിക്കും.
ജൂണ്‍ ആദ്യ വാരം പരീക്ഷകള്‍ തീരുന്ന തരത്തിലായിരുന്നു എംജി സർവകലാശാല നേരത്തെ പരീക്ഷ തീരുമാനിച്ചിരുന്നത്. സര്‍ക്കാര്‍ നിര്‍ദേശിക്കുന്ന സുരക്ഷാ മാനദണ്ഡങ്ങള്‍ പാലിച്ച് പരീക്ഷകൾ നടത്യിരുന്നു തീരുമാനം. ഇതാണ് ഇപ്പോൾ മാറ്റി വയ്ക്കുന്നത്.
