ന്യൂഡെൽഹി: ശ്രീലങ്കൻ നാവികസേനയുടെ കല്ലേറിൽ 60 ഇന്ത്യൻ മത്സ്യബന്ധന ബോട്ടുകൾ തകർന്നു. കച്ചത്തീവിനു സമീപം മത്സ്യബന്ധനത്തിലേർപ്പെട്ടിരുന്നവരുടെ ബോട്ടുകളാണ് തകർന്നത്.
25 ബോട്ടുകളിലെ വലകളും നശിച്ചു. അഞ്ച് ബോട്ടുകളിലെത്തിയ ശ്രീലങ്കൻ നാവികസേന ഉദ്യോഗസ്ഥർ ബോട്ടുകൾക്കുനേരെ കല്ലെറിയുകയായിരുന്നുവെന്ന് മത്സ്യത്തൊഴിലാളികൾ പറഞ്ഞു.
തമിഴ്നാട്ടിൽനിന്നുമാണ് ഇവർ മത്സ്യബന്ധനത്തിനായി പോയത്. കല്ലേറിൽ മത്സ്യത്തൊഴിലാളികൾക്ക് പരിക്കില്ല.
