യാത്രാവി​മാ​നങ്ങളും, ട്രെ​യി​നുകളും മേ​യ് മൂ​ന്നു​വ​രെ ഓടില്ല

ന്യൂ​ഡ​ൽ​ഹി: കൊറോണ പ്രതിരോധത്തിന്റെ ഭാഗമായി ലോക്ക് ഡൗൺ മേയ് മൂന്നു വരെ ദീർഘിപ്പിച്ച സാഹചര്യത്തിൽ രാ​ജ്യ​ത്ത് യാത്രാവി​മാ​നങ്ങളും ട്രെ​യിനുകളും മേ​യ് മൂ​ന്നു​വ​രെ ഉണ്ടാകില്ലെന്ന് അധികൃതർ അറിയിച്ചു. ചില സംസ്ഥാനങ്ങളിൽ നിയന്ത്രണങ്ങളിൽ ഇളവു വന്നാലും വിമാന, ട്രെയിൻ സർവ്വീസുകളുടെ കാര്യത്തിൽ മാറ്റമുണ്ടാകില്ലെന്ന് അധിക്യതർ സൂചിപ്പിച്ചു.
ആ​ഭ്യ​ന്ത​ര-​അ​ന്താ​രാ​ഷ്ട്ര വി​മാ​ന സ​ർ​വീ​സു​ക​ൾ മേയ് മൂന്നു വരെ ഉ​ണ്ടാ​കി​ല്ലെ​ന്ന് വ്യോ​മ​യാ​ന​മ​ന്ത്രാ​ല​യം അറിയിച്ചു. യാ​ത്രാ ട്രെ​യി​നു​ക​ളു​ടെ സ​ർ​വീ​സ് റ​ദ്ദാ​ക്കി​യ ന​ട​പ​ടി നീ​ട്ടി​യ​താ​യി റെ​യി​ൽ​വേ​യും അ​റി​യി​ച്ചു.

ഇ​തോ​ടെ ഏ​പ്രി​ല്‍ 20 വ​രെ ക​ര്‍​ശ​ന നി​യ​ന്ത്ര​ണം തു​ട​രു​ക​യും അ​തി​ന് ശേ​ഷം ചി​ല​യി​ട​ങ്ങ​ളി​ൽ ഇ​ള​വ്‌ അ​നു​വ​ദി​ച്ചാ​ലും ലോ​ക്ക്ഡൗ​ണ്‍ തീ​രു​ന്ന​വ​രെ ട്രെ​യി​ൻ, വി​മാ​ന സ​ർ​വീ​സു​ക​ൾ ഉ​ണ്ടാ​കി​ല്ല.
എന്നാൽ ച​ര​ക്കു ഗതാഗതം ത​ട​സം കൂ​ടാ​തെ ന​ട​ക്കുമെന്നും റെ​യി​ൽ​വേ അ​റി​യി​ച്ചു.