ശ്രീനഗര്‍: ജമ്മു കശ്മീരില്‍ ഭീകരാക്രമണത്തില്‍ രണ്ട് പേര്‍ കൊല്ലപ്പെട്ടു. ഷോപ്പിയാനിലെ ഹെര്‍മനിലാണ് ഉത്തര്‍പ്രദേശ് സ്വദേശികളായ രണ്ട് തൊഴിലാളികള്‍ക്ക് നേരെ ആക്രമണമുണ്ടായത്. തൊഴിലാളികള്‍ക്ക് നേരെ ഭീകരര്‍ ഗ്രനേഡ് എറിയുകയായിരുന്നു.
അതേസമയം ഗ്രനേഡ് എറിഞ്ഞ ലഷ്‌കര്‍-ഇ-തൊയ്ബ ഭീകരന്‍ പിടിയിലായതായി കശ്മീര്‍ പൊലീസ് അറിയിച്ചു. ആക്രമണത്തെത്തുടര്‍ന്ന പൊലീസ് സുരക്ഷ കര്‍ശനമാക്കിയിട്ടുണ്ട്. പ്രദേശത്ത് സൈന്യത്തിന്റെ നേതൃത്വത്തില്‍ തെരച്ചിലും തുടരുകയാണ്. ഷോപ്പിയാനില്‍ കഴിഞ്ഞദിവസം ഒരു കശ്മീരി പണ്ഡിറ്റും സമാനമായ രീതിയില്‍ കൊല്ലപ്പെട്ടിരുന്നു.
