മേ​ഘാ​ല​യ മു​ഖ്യ​മ​ന്ത്രി കോ​ണ്‍​റാ​ഡ് സാം​ഗ്മ​യു​ടെ സ്വ​കാ​ര്യ വ​സ​തി​ക്കു നേ​രെ പെ​ട്രോ​ള്‍ ബോം​ബേ​റ്

ഷി​ല്ലോം​ഗ്: മേ​ഘാ​ല​യ മു​ഖ്യ​മ​ന്ത്രി കോ​ണ്‍​റാ​ഡ് സാം​ഗ്മ​യു​ടെ സ്വ​കാ​ര്യ വ​സ​തി​ക്കു നേ​രെ പെ​ട്രോ​ള്‍ ബോം​ബേ​റ്. ഞാ​യ​റാ​ഴ്ച രാ​ത്രി​യോ​ടെ​യാ​ണ് ആ​ക്ര​മ​ണ​മു​ണ്ടാ​യ​ത്. സം​ഭ​വ​ത്തി​ല്‍ ആ​ര്‍​ക്കും പ​രി​ക്കി​ല്ല.

വീ​ടി​ന്‍റെ മു​ന്‍​വ​ശ​ത്തേ​ക്കും പി​ന്നി​ലേ​ക്കു​മാ​ണ് പെ​ട്രോ​ള്‍ ബോം​ബെ​റി​ഞ്ഞ​ത്. ഇ​വി​ടെ തീ​പ​ട​ര്‍​ന്നെ​ങ്കി​ലും ഗാ​ര്‍​ഡു​ക​ളെ​ത്തി തീ​യ​ണ​ച്ചു.

പോ​ലീ​സു​മാ​യു​ണ്ടാ​യ ഏ​റ്റു​മു​ട്ട​ലി​ൽ മു​ൻ തീ​വ്ര​വാ​ദി കൊ​ല്ല​പ്പെ​ട്ട​തി​നെ​ത്തു​ട​ർ​ന്നാ​ണ് മേ​ഘാ​ല​യ​യു​ടെ ത​ല​സ്ഥാ​ന​മാ​യ ഷി​ല്ലോം​ഗി​ൽ വ്യാ​പ​ക അ​ക്ര​മ​വും തീ​വ​യ്പും അ​ര​ങ്ങേ​റു​ന്ന​ത്. ഇ​തേ​ത്തു​ട​ർ​ന്ന് സം​സ്ഥാ​ന ആ​ഭ്യ​ന്ത​ര മ​ന്ത്രി ല​ഖ്മെ​ൻ റിം​ബൂ​യി രാ​ജി​വ​ച്ചു.

മൊ​ബൈ​ൽ ഇ​ന്‍റ​ർ​നെ​റ്റ് സേ​വ​ന​ങ്ങ​ൾ നാ​ലു ജി​ല്ല​ക​ളി​ൽ 48 മ​ണി​ക്കൂ​ർ നേ​ര​ത്തേ​ക്കു നി​ർ​ത്തി​വ​ച്ചി​രി​ക്കു​ക​യാ​ണ്. ഷി​ല്ലോം​ഗി​ൽ ഇ​ന്ന​ലെ രാ​ത്രി എ​ട്ടി​നു ക​ർ​ഫ്യൂ നി​ല​വി​ൽ വ​ന്നു. ചൊ​വ്വാ​ഴ്ച വൈ​കു​ന്നേ​രം അ​ഞ്ചു വ​രെ തു​ട​രും.

എ​ച്ച്എ​ൻ​എ​ൽ​സി എ​ന്ന തീ​വ്ര​വാ​ദ സം​ഘ​ട​ന​യു​ടെ ജ​ന​റ​ൽ സെ​ക്ര​ട്ട​റി​യാ​യി​രു​ന്ന ചെ​രി​സ്റ്റ​ർ​ഫീ​ൽ​ഡ് താം​ഗ്ഖ്യൂ​വ് ആ​ണു പോ​ലീ​സു​മാ​യു​ണ്ടാ​യ ഏ​റ്റു​മു​ട്ട​ലി​ൽ ക​ഴി​ഞ്ഞ വെ​ള്ളി​യാ​ഴ്ച കൊ​ല്ല​പ്പെ​ട്ട​ത്. 2018ലാ​ണ് താം​ഗ്ഖ്യൂ​വ് കീ​ഴ​ട​ങ്ങി​യ​ത്. സം​സ്ഥാ​ന​ത്തെ നി​ര​വ​ധി ഐ​ഇ​ഡി സ്ഫോ​ട​ന​ങ്ങ​ളു​ടെ സൂ​ത്ര​ധാ​ര​നാ​ണ് ഇ​യാ​ൾ എ​ന്നാ​ണു പോ​ലീ​സ് സം​ശ​യി​ക്കു​ന്ന​ത്.

അ​റ​സ്റ്റ് ചെ​യ്യാ​ൻ പോ​ലീ​സെ​ത്തി​യ​പ്പോ​ൾ താം​ഗ്ഖീ​വ് പോ​ലീ​സ് സം​ഘ​ത്തി​നു​നേ​രെ ക​ത്തി​യാ​ക്ര​മ​ണം ന​ട​ത്തി​യെ​ന്നും തു​ട​ർ​ന്നു ന​ട​ന്ന വെ​ടി​വ​യ്പി​ൽ താം​ഗ്ഖീ​വ് കൊ​ല്ല​പ്പെ​ട്ടെ​ന്നു​മാ​ണു ഡി​ജി​പി ആ​ർ. ച​ന്ദ്ര​നാ​ഥ​ൻ പ​റ​യു​ന്ന​ത്.