പട്ടിയെ കൊല്ലാൻ ​വി​ഷം വച്ചു; ചത്ത പട്ടിയുടെ മാംസം ഭ​ക്ഷി​ച്ച മൂ​ന്ന്​ പു​ലി​ക​ൾ ച​ത്തു

ബം​ഗ​ളൂ​രു: വി​ഷം ക​ഴി​ച്ചു ച​ത്ത പ​ട്ടി​യു​ടെ മാംസം ഭ​ക്ഷി​ച്ച​താകാം മൈ​സൂ​രു ബാ​ലെ​വാ​ടി​യി​ൽ മൂ​ന്ന്​ പു​ലി​ക​ൾ ച​ത്തതിന് കാരണമെന്ന്​ സൂചന. നാ​ലോ അ​ഞ്ചോ വ​യ​സ്സു​ള്ള ത​ള്ള​പ്പു​ലി​യും എ​ട്ടു​മാ​സ​ത്തോ​ളം പ്രാ​യ​മു​ള്ള ര​ണ്ട്​ കു​ഞ്ഞു​ങ്ങ​ളു​മാ​ണ്​ ച​ത്ത​ത്. സ​മീ​പ​ത്തെ മാ​വി​ൻ​തോ​ട്ട​ത്തി​ൽ​നി​ന്ന്​ വി​ഷം ക​ല​ർ​ത്തി​യ ഭ​ക്ഷ​ണ​വും പാ​തി ആ​ഹ​രി​ക്ക​പ്പെ​ട്ട പ​ട്ടി​യെ​യും ക​ണ്ടെ​ത്തി.

അ​യ​ൽ​പ​ക്ക​ത്തെ പ​ട്ടി​യെ കൊ​ല​പ്പെ​ടു​ത്താ​ൻ ഗ്രാ​മ​വാ​സി​ക​ളി​ലാ​രോ വിഷം വച്ചതാണ് മൂ​ന്ന്​ പു​ലി​ക​ളു​ടെ ജീ​വ​നും അ​പ​ഹ​രി​ക്കാ​നി​ട​യാ​യ​തെ​ന്നാ​ണ്​ വി​വ​രം. സം​ഭ​വ​ത്തി​ൽ ദു​രൂ​ഹ​മ​ര​ണ​ത്തി​ന്​ കേ​സെ​ടു​ത്ത വ​നം വ​കു​പ്പ്​ പോ​സ്​​റ്റ്​​മോ​ർ​ട്ടം റി​പ്പോ​ർ​ട്ട് ല​ഭി​ച്ച​ശേ​ഷം വ​ന്യ​ജീ​വി നി​യ​മ​പ്ര​കാ​രം കേ​സ്​ ര​ജി​സ്​​റ്റ​ർ ​ചെ​യ്​​തേ​ക്കും.

മൈ​സൂ​രു മൃ​ഗ​ശാ​ല​യി​ലെ വെ​റ്റ​റി​ന​റി ഡോ​ക്​​ട​ർ​മാ​രാ​യ രാ​ജ​ശേ​ഖ​ർ, പ്ര​വീ​ൺ എ​ന്നി​വ​ർ പോ​സ്​​റ്റ്​​മോ​ർ​ട്ട​ത്തി​ന്​ നേ​തൃ​ത്വം ന​ൽ​കി. ന​ഗ​ര​ത്തി​ൻ്റെ പ്രാ​ന്ത​പ്ര​ദേ​ശ​മായ ബ​ലെ​വാ​ടി​യി​ൽ ശ​നി​യാ​ഴ്​​ച രാ​വി​ലെ​യാ​ണ്​ ദു​രൂ​ഹ സാ​ഹ​ച​ര്യ​ത്തി​ൽ മൂ​ന്നു​​പു​ലി​ക​ളെ ച​ത്ത​നി​ല​യി​ൽ ക​ണ്ടെ​ത്തിയത്​.

പ്ര​ദേ​ശ​വാ​സി​ക​ൾ വി​വ​ര​മ​റി​യി​ച്ച​ത​നു​സ​രി​ച്ചാണ്​ മു​തി​ർ​ന്ന വ​നം വ​കു​പ്പ്​ ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി വി​വ​രങ്ങൾ ശേ​ഖ​രി​ച്ചത്​. ക​ഴി​ഞ്ഞ മൂ​ന്നു​മാ​സ​മാ​യി ഗ്രാ​മ​ത്തി​ൽ പു​ലി ശ​ല്യ​മു​ണ്ടെ​ന്നും വ​ള​ർ​ത്തു​നാ​യ്​​ക്ക​ളെ​യും ക​ന്നു​കാ​ലി​ക​ളെ​യും കൊ​ന്നു​തി​ന്നു​ന്ന​താ​യും ​ പ്ര​ദേ​ശ​വാ​സി​ക​ൾ പ​രാ​തി​പ്പെ​ട്ടി​രു​ന്നു.