ലഖ്‌നൗ: ഉത്തര്‍പ്രദേശ് റവന്യു, വെള്ളപ്പൊക്ക നിവാരണ മന്ത്രി കൊറോണ ബാധിച്ചു മരിച്ചു. യോഗി ആദിത്യനാഥ് മന്ത്രി സഭയിലെ മന്ത്രിയായ വിജയ് കശ്യപാ(56)ണ് മരിച്ചത്. ഗുഡ്ഗാവ് മേതാന്ത ആശുപത്രിയില്‍ ചികിത്സയിലിരിക്കെ ഇന്നലെ രാത്രിയായിരുന്നു അന്ത്യം. മുസഫര്‍നഗര്‍ ചര്‍തവാല്‍ മണ്ഡലത്തിലെ എംഎല്‍എയായിരുന്നു.
യുപിയില്‍ കൊറോണ ബാധിച്ച് മരിക്കുന്ന മൂന്നാമത്തെ മന്ത്രിയാണ് കശ്യപ്. കഴിഞ്ഞ വര്‍ഷം യുപി മന്ത്രിമാരായ കമല്‍റാണി വരുണ്‍, ചേതന്‍ ചൗഹാന്‍ എന്നിവരും കോറോണ ബാധിച്ച് മരിച്ചിരുന്നു.
മന്ത്രിയുടെ മരണത്തില്‍ പ്രധാനമന്ത്രി നരേന്ദ്രമോദി അനുശോചനമറിയിച്ചു. പൊതുജനങ്ങളുടെ താല്‍പ്പര്യങ്ങള്‍ക്കനുസരിച്ച് പ്രവര്‍ത്തിക്കുന്ന നേതാവായിരുന്നു വിജയ് കശ്യപെന്ന് മോദി അനുസ്മിരിച്ചു. യുപി മുഖ്യമന്ത്രി യോഗി ആദിത്യനാഥ്, ബിജെപി അധ്യക്ഷന്‍ സ്വതന്ത്രദേവ് സിങ് എന്നിവരും കശ്യപിന്റെ മരണത്തില്‍ അനുശോചിച്ചു.
