ന്യൂഡെൽഹി: ബംഗാളില്‍ ബിജെപിയെ വീഴ്‌ത്തി തൃണമൂല്‍ നേടിയ വന്‍ വിജയത്തില്‍ സിബല്‍ ബംഗാള്‍ മുഖ്യമന്ത്രി മമതാ ബാനര്‍ജിയെ അഭിനന്ദിച്ച് കോൺഗ്രസ് നേതാക്കളായ കപില്‍ സിബലും മദ്ധ്യപ്രദേശ് മുന്‍ മുഖ്യമന്ത്രി കമല്‍നാഥും.
നാല് സംസ്ഥാനങ്ങളിലും പുതുച്ചേരിയിലും നടന്ന തിരഞ്ഞെടുപ്പുകളില്‍ കോണ്‍ഗ്രസിന്റേത് വളരെ ദയനീയമായ പ്രകടനമാണെന്ന് കപില്‍ സിബൽ അഭിപ്രായപ്പെട്ടു. കേരളത്തിലും അസമിലും വളരെ മോശം പ്രകടനമായിരുന്നു പാര്‍ട്ടിയുടേത്. ബംഗാളില്‍ ഒരു സീ‌റ്റ് പോലും വിജയിക്കാനുമായില്ല. സംസ്ഥാനങ്ങളിലെ തോല്‍വിയെ കുറിച്ച്‌ പരിശോധിക്കണമെന്ന് പാര്‍ട്ടി നേതൃത്വത്തോട് ആവശ്യപ്പെടുമെന്ന് കപില്‍ സിബല്‍ പറഞ്ഞു.
എതിരാളികളെയെല്ലാം തോല്‍പ്പിച്ച മമതാ ബാനര്‍ജി രാജ്യത്തിന്റെ നേതാവാണെന്ന് കമല്‍നാഥും പറഞ്ഞു.
