ആഗ്ര: ഉത്തർപ്രദേശിലെ ആഗ്രയിൽ രാസവസ്തു നിർമ്മാണ ഫാക്ടറിയിൽ വൻ പൊട്ടിത്തെറി ഉണ്ടായതായി റിപ്പോർട്ട്. ആഗ്രയ്ക്ക് സമീപമുള്ള സിക്കന്ദ്രയിലുള്ള രാസവസ്തു നിർമ്മാണ ഫാക്ടറിയിൽ സ്ഫോടനമുണ്ടായത്. കിലോമീറ്റർ അകലെ വരെ തീപിടുത്തത്തിൻറെ കറുത്ത പുക കാണാമെന്നാണ് ദൃസാക്ഷികളെ ഉദ്ധരിച്ച് വാർത്ത ഏജൻസി റിപ്പോർട്ട് ചെയ്യുന്നത്.
പൊട്ടിത്തെറിയെ തുടർന്ന് വലിയ രീതിയിലാണ് തീ പടർന്നിരിക്കുന്നത്. അഗ്നിശമനസേന സ്ഥലത്തെത്തി തീയണയ്ക്കാൻ ശ്രമിച്ചുവരികയാണ്. സംഭവത്തിൽ ആളപായം റിപ്പോർട്ട് ചെയ്തിട്ടില്ലെന്നാണ് വാർത്ത ഏജൻസിയായ എഎൻഐ റിപ്പോർട്ട് ചെയ്യുന്നത്.
സിക്കന്ദ്ര പൊലീസ് സ്റ്റേഷൻ പരിധിയിലാണ് ഈ ഫാക്ടറി സ്ഥിതി ചെയ്യുന്നത്. ആഗ്ര എസ്പി അടക്കം വൻ പൊലീസ് സംഘം സ്ഥലത്ത് എത്തിയിട്ടുണ്ട്. ഫോർട്ട് സർക്യൂട്ടാകാം തീപിടുത്തുത്തിന് കാരണമെന്നാണ് പ്രാഥമിക നിഗമനം.
