ശ്രീനഗർ: ജമ്മു കശ്മീരിൽ വീണ്ടും ഭീകരാക്രമണം. സുരക്ഷാ ഉദ്യോഗസ്ഥർക്ക് നേരെ ഉണ്ടായ ഭീകരരുടെ ആക്രമണത്തിൽ ഭീകരരുടെ വെടിയേറ്റ് ഒരു പോലീസുകാരൻ വീരമൃത്യു വരിച്ചു. ഫുറ സ്വദേശി അബ്ദുൾ റാഷിദ് ദർ (58) ആണ് കഴിഞ്ഞ രാത്രി നടന്ന ആക്രമണത്തിൽ മരിച്ചത്. കുൽഗാം ജില്ലയിൽ ആയിരുന്നു സംഭവം.
ജോലി കഴിഞ്ഞ് വരികയായിരുന്ന റാഷിദിന്റെ നേരെ ഭീകരർ മറഞ്ഞിരുന്നു വെടിയുതിർക്കുകയായിരുന്നു. ഇദ്ദേഹത്തെ ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്. മുൻ സർക്കാർ ഗൺമാൻ കൂടിയാണ് മരിച്ച അബ്ദുൽ റാഷിദ്.
