ഗാന്ധിനഗർ: ഗുജറാത്ത് മുൻ മുഖ്യമന്ത്രി ശങ്കർസിംഗ് വഘേലയ്ക്ക് കൊറോണ സ്ഥിരീകരിച്ചു. ശനിയാഴ്ച നടത്തിയ സ്രവ പരിശോധനയിലാണ് അദ്ദേഹത്തിന് രോഗം സ്ഥിരീകരിച്ചത്. ഞായറാഴ്ച രാവിലെ വഘേലയെ ഗാന്ധിനഗറിലെ സ്വകാര്യ ആശുപത്രിയിലേക്ക് മാറ്റി. കഴിഞ്ഞ മൂന്ന് ദിവസമായി ഇദ്ദേഹത്തിന് ശക്തമായ പനിയും കൊറോണ ലക്ഷണങ്ങളും ഉണ്ടായിരുന്നു.
ഇതേതുടർന്നു ഡോക്ടർമാരുടെ നിർദേശം അനുസരിച്ച് ഹോം ക്വാറന്‍റൈനിലായിരുന്നു ശങ്കർസിംഗ് വഘേല. ഇന്ന് രാവിലെ പ്രധാനമന്ത്രി നരേന്ദ്രമോദി ശങ്കർസിംഗ് വഘേലയെ ഫോണില്‍ വിളിച്ച് ആരോഗ്യ വിവരങ്ങള്‍ അന്വേഷിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. 1996 കാലഘട്ടത്തിൽ ഗുജറാത്തിലെ മുഖ്യമന്ത്രി ആയിരുന്നു വഘേല.
