ന്യൂഡല്‍ഹി : രാജ്യത്ത് കൊറോണ രോഗബാധ ആശങ്കാജനകമായി ഉയരുകയാണ്. കഴിഞ്ഞ 24 മണിക്കൂറിനിടെ പതിനാറായിരത്തിന് അടുത്ത് ആളുകള്‍ക്കാണ് കൊറോണ സ്ഥിരീകരിച്ചത്. ഇന്നലെ മാത്രം 15,968 പേര്‍ക്കാണ് കൊറോണ സ്ഥിരീകരിച്ചത്.
ഒരു ദിവസത്തിലെ ഏറ്റവും ഉയര്‍ന്ന രോഗബാധിതരുടെ നിരക്കാണ് ഇന്നലെ രേഖപ്പെടുത്തിയത്. ഇതോടെ ഇന്ത്യയിലെ രോഗബാധിതരുടെ എണ്ണം നാലര ലക്ഷം കടന്നു. ഇതുവരെ രാജ്യത്ത് കൊറോണ ബാധിതരായിട്ടുള്ളത് 4,56,183 പേരാണ്.
24 മണിക്കൂറിനിടെ 465 പേരാണ് കൊറോണ ബാധിച്ച് മരിച്ചത്. ഇതോടെ രാജ്യത്തെ കൊറോണ മരണം 14,476 ആയി ഉയര്‍ന്നു. 2,58,685 പേര്‍ രോഗമുക്തി നേടിയതായും കേന്ദ്ര ആരോഗ്യമന്ത്രാലയം അറിയിച്ചു.
