ന്യൂഡെൽഹി: രാജ്യം നാല് മാസമായി കൊറോണയുമായി യുദ്ധം ചെയ്യുകയാണെന്ന് പ്രധാനമന്ത്രി നരേന്ദ്രമോദി. ഒരൊറ്റ വൈറസ് ലോകത്തെ തകിടംമറിച്ചുവെന്ന് രാഷ്ട്രത്തെ അഭിസംബോധന ചെയ്ത് അദ്ദേഹം പറഞ്ഞു. നമ്മൾ പോരാട്ടം തുടരേണ്ട സാഹചര്യമാണ് .
ഇങ്ങനെ ഒരു സാഹചര്യം ഇതിനു മുൻപ് ഉണ്ടായിട്ടില്ലെന്ന് അദ്ദേഹം പറഞ്ഞു. നിരവധി ഇന്ത്യക്കാർക്ക് വൈറസ് ബാധയേറ്റ് ജീവൻ നഷ്ടമായി. ലോകത്തിന്റെ സ്ഥിതി ഇന്ത്യയേക്കാൾ പരിതാപകരമാണ്. സ്വയം പ്രതിരോധിക്കുന്ന ഇന്ത്യയാണ് നമുക്ക് ആവശ്യം. ഈ വെല്ലുവിളി ഇന്ത്യക്ക് പുതിയ അവസരമാണെന്നും പ്രധാനമന്ത്രി അഭിപ്രായപ്പെട്ടു.
