ന്യൂഡെൽഹി: രാജ്യത്ത് നടപ്പിലാക്കിയിരിക്കുന്ന ലോക് ഡൗണിനെ കുറിച്ച് സംസാരിക്കുന്നതിന് പ്രധാനമന്ത്രി നരേന്ദ്ര മോദി തിങ്കളാഴ്ച മുഖ്യമന്ത്രിമാരുമായി വീഡിയോ കോൺഫറൻസ് ചർച്ച നടത്തും.
കൊറോണ വ്യാപനത്തെ തുടർന്ന് എർപ്പെടുത്തിയ ലോക്ക്ഡൗൺ പിൻവലിക്കുന്നത് സംബന്ധിച്ചും ലോക്ക്ഡൗണിന് ശേഷം സ്വീകരിക്കേണ്ട നടപടികൾ സംബന്ധിച്ചുമാകും ചർച്ചയെന്ന് സർക്കാർ വൃത്തങ്ങൾ അറിയിച്ചു.
തിങ്കളാഴ്ച ഉച്ചയ്ക്ക് ശേഷം മൂന്നിനാണ് പ്രധാനമന്ത്രി
യോഗം വിളിച്ചിരിക്കുന്നത്. ലോക് ഡൗൺ മൂലം ഉണ്ടായ സാമ്പത്തിക പ്രതിസന്ധിയെ മറികടക്കുന്നതിനും ഹോട്ട്സ്പോട്ടുകളിൽ കൊറോണയെ നേരിടുന്നതിനുള്ള നിയന്ത്രണങ്ങളെക്കുറിച്ചും യോഗത്തിൽ ചർച്ചചെയ്യുമെന്നാണ് സൂചന. ഇതുകൂടാതെ കുടിയേറ്റ തൊഴിലാളികളുടെ യാത്ര സംബന്ധിച്ചും ചർച്ചചെയ്യുമെന്നു സൂചന ഉണ്ട്.
രാജ്യവ്യാപകമായി പ്രഖ്യാപിച്ച മൂന്നാംഘട്ട ലോക്ക്ഡൗൺ ഈ മാസം 17-ന് അവസാനിക്കുന്ന സാഹചര്യത്തിൽകൂടിയാണ് പ്രധാനമന്ത്രി മുഖ്യമന്ത്രിമാരുയി ചർച്ച നടത്തുന്നത്.
