ബെംഗളൂരു: ഭാരത് ബയോടെക്കിന്റെ കോവാക്‌സിൻ മൂന്നാം ഘട്ട പരീക്ഷണം ഇന്ന് ആരംഭിക്കും. ബെംഗളൂരു വൈദേഹി ആശുപത്രിയിലാണ് പരീക്ഷണത്തിന്റെ മൂന്നാം ഘട്ടം ആരംഭിക്കുന്നത്. 1000 പേർക്ക് 2 ഡോസ് കുത്തിവയ്പ് വീതമാണു നൽകുന്നതെന്ന് ആശുപത്രി ഡയറക്ടർ കെ.എം ശ്രീനിവാസ മൂർത്തി പറ‍ഞ്ഞു.
ആദ്യ ഡോസ് ഇന്നു നൽകും. 28 ദിവസത്തെ നിരീക്ഷണത്തിനു ശേഷം രണ്ടാം ഡോസ് 30നും നൽകും. കര്‍ണാടകയില്‍ 4.69 ലക്ഷം ആരോഗ്യ പ്രവര്‍ത്തകരാണ് കുത്തിവയ്പിന് രജിസ്റ്റര്‍ ചെയ്തിട്ടുള്ളത്.
തുടര്‍ന്ന് ഡ്രഗ്‌സ് കണ്‍ട്രോളര്‍ ജനറല്‍ ഓഫ് ഇന്ത്യയ്ക്കു റിപ്പോര്‍ട്ട് സമര്‍പ്പിക്കും.
