പാരീസ്: ഇസ്ലാമിക് സ്റ്റേറ്റ് ഭീകരനേതാവിനെ വധിച്ചെന്ന് ഫ്രാൻസ്. പടിഞ്ഞാറൻ ആഫ്രിക്ക കേന്ദ്രീകരിച്ച് പ്രവർത്തിക്കുന്ന ഐഎസ് നേതാവ് അദ്നാൻ അബു വാഹിദ് അൽ സഹ്റാവിയെയാണ് ഫ്രഞ്ച് സേന വധിച്ചത്.
ഭീകരവാദത്തിനെതിരെയുള്ള പോരാട്ടത്തിലെ മറ്റൊരു വിജയമാണ് ഇതെന്ന് ഫ്രഞ്ച് പ്രസിഡന്‍റ് ഇമ്മാനുവൽ മാക്രോൺ പറഞ്ഞു. എന്നാൽ എവിടെ വെച്ചാണ് ഏറ്റുമുട്ടൽ നടന്നതെന്ന് ഫ്രാൻസ് വെളിപ്പെടുത്തിയിട്ടില്ല.
2017ൽ നിരവധി അമേരിക്കൻ സൈനികർ കൊല്ലപ്പെട്ട ആക്രമണത്തിനും 2020ൽ 6 ഫ്രഞ്ച് സന്നദ്ധപ്രവർത്തകരും നൈജീരിക്കാരനായ ഡ്രൈവറും കൊല്ലപ്പെട്ട ആക്രമണത്തിനും പിന്നിൽ ഭീകരനായ സഹ്റാവിയാണെന്നും മാക്രോൺ പറഞ്ഞു.
