ദുബായ് : യുഎഇയിലെ വിവിധ എമിറേറ്റുകളില്‍ ശക്തമായ മഴ തുടരുകയാണ്. ഷാര്‍ജ, അജ്മാന്‍, ഉമ്മുല്‍ ഖുവൈന്‍ എന്നിവിടങ്ങളില്‍ ശനിയാഴ്ച ഉച്ചയ്ക്ക് ശേഷം കനത്ത മഴയും കാറ്റും ഉണ്ടായിരുന്നു. കനത്ത മഴ ഉണ്ടാകുമെന്ന് യുഎഇ കാലാവസ്ഥാ നിരീക്ഷണ കേന്ദ്രം നേരത്തേ മുന്നറിയിപ്പ് നല്‍കിയിരുന്നു.
ഞായറാഴ്ചയും മഴ തുടരാനുള്ള സാധ്യതയുള്ളതിനാല്‍ റോഡില്‍ യാത്ര ചെയ്യുന്നവര്‍ ശ്രദ്ധിക്കണമെന്ന് കാലാവസ്ഥ നിരീക്ഷണ കേന്ദ്രം അറിയിച്ചിട്ടുണ്ട്. യുഎഇയുടെ കിഴക്കന്‍ പ്രദേശങ്ങളിലാണ് പ്രധാനമായും മഴ സാധ്യതയുള്ളതെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്‍കി. ഇന്നലത്തെ മഴയുടെയും കാറ്റിന്റെയും ദൃശ്യങ്ങള്‍ സോഷ്യല്‍ മീഡിയകളില്‍ വൈറലാകുകയാണ്.
