അബുദാബി: യുഎഇ ഭരണകൂടത്തിൽ നിന്ന് ഗോൾഡൻ വീസ ഏറ്റുവാങ്ങി മലയാളത്തിന്‍റെ പ്രിയതാരങ്ങൾ. മമ്മൂട്ടിയും മോഹൻലാലും അബുദാബി സാമ്പത്തിക വികസന വകുപ്പ് ചെയർമാൻ മുഹമ്മദ് അലി അൽ ഷോറാഫാ അൽ ഹമ്മാദിയിൽ നിന്നും ഗോൾഡൻ വീസ ഏറ്റുവാങ്ങി.
ലുലു ഗ്രൂപ്പ് ചെയർമാൻ എം.എ.യൂസഫലിയും ചടങ്ങിൽ പങ്കെടുത്തു. ഇതാദ്യമായാണ് മലയാള സിനിമാ താരങ്ങൾക്ക് ഗോൾഡൻ വീസ ലഭിക്കുന്നത്. ഇരുവരും സിനിമ മേഖലയ്ക്ക് നൽകുന്ന സംഭാവന മഹത്തരമെന്ന് മുഹമ്മദ് അലി അൽ അഭിപ്രായപ്പെട്ടു.
