റഷ്യ : സാഹസികത ആസ്വദിക്കാന്‍ ആറായിരം അടി ഉയരമുള്ള മലയുടെ മുകളില്‍ ഊഞ്ഞാലാടിയ യുവതികൾ അപകടത്തിപ്പെട്ടു. സാഹസികത ഇഷ്ടപ്പെടുന്ന സഞ്ചാരി സംഘത്തിലെ യുവതികളാണ് മലമുകളില്‍ ഊഞ്ഞാലാടിയത്.
ഉഞ്ഞാലിന്റെ ഗതിമാറി യുവതികള്‍ താഴേക്ക് വീഴുന്ന ദൃശ്യങ്ങള്‍ സോഷ്യല്‍ മീഡിയയില്‍ വൈറലാവുകയാണ്. സുലാക് മലയിടുക്കില്‍ നിന്നുള്ള ദൃശ്യങ്ങളാണെന്നാണ് റിപ്പോര്‍ട്ട്. രണ്ട് യുവതികളെ ഊഞ്ഞാലില്‍ ഇരുത്തി ശക്തമായി ആട്ടുകയാണ് യുവാവ്.
ഊഞ്ഞാലാട്ടത്തിനിടയില്‍ വശത്തുള്ള കമ്പിയില്‍ ഊഞ്ഞാലിന്റെ ഒരുഭാഗം തട്ടുകയും ഗതി മാറി യുവതികള്‍ താഴേക്ക് പതിക്കുകയായിരുന്നു. റഷ്യയില്‍ നടന്ന സംഭവത്തിന്റെ വീഡിയോ സാമൂഹ്യ മാധ്യമങ്ങളില്‍ വൈറലായിരിക്കുകയാണ്.
