കണ്ണൂർ: തലശ്ശേരി അതിരൂപതാംഗവും ചെറുപുഴ സെന്റ് മേരീസ് ഫൊറോന പള്ളി വികാരിയുമായ ഫാ. ജോർജ്ജ് വണ്ടർകുന്നേൽ അന്തരിച്ചു. ഫാ.ജോർജ്ജ് വണ്ടർകുന്നേൽ കൊറോണ ബാധിതനായി ചികിൽസയിലായിരുന്നു.
സംസ്കാര ശുശ്രൂഷകൾ നാളെ (വെള്ളി) ഉച്ചകഴിഞ്ഞ് രണ്ടിന് മാതൃഇടവകയായ ജയഗിരിയി പള്ളിയിൽ ആരംഭിക്കും. ഭൗതികശരീരം വ്യാഴാഴ്ച രാത്രി തലശ്ശേരി കത്തീഡ്രൽ പള്ളിയിൽ കൊണ്ടുവന്നു. നാളെ രാവിലെ 6.15ന് കത്തീഡ്രൽ പള്ളിയിൽ വിശുദ്ധ കുർബാന.
തുടർന്ന് 7.30 ന് ചെറുപുഴ പള്ളിയിലേക്ക് കൊണ്ടുപോയി ഉച്ചയ്ക്ക് 12 വരെ ചെറുപുഴ പള്ളിയിൽ പൊതുദർശനത്തിന് വയ്ക്കും. അവിടെനിന്ന് ജയഗിരിയിലേക്ക് കൊണ്ടുപോകുന്നതും ഒന്നു മുതൽ ജയഗിരിയിൽ പൊതുദർശനത്തിന് അവസരം ഉണ്ടായിരിക്കും.
