പോര്‍ട്ട്‍ലാന്റ്‌: ഹോളിവുഡ് സിനിമാ സീരിയല്‍ താരം ജെസീക്ക കാംപെല്‍ കുഴഞ്ഞുവീണു മരിച്ചു. 38 വയസ്സായിരുന്നു. യുഎസിലെ പോര്‍ട്ട്‍ലാന്‍റില്‍ വെച്ചായിരുന്നു അന്ത്യം സംഭവിച്ചത്. വീട്ടിലെ കുളിമുറിയില്‍ കുഴഞ്ഞ് വീഴുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും മരണം സംഭവിച്ചു.
99-ല്‍ പുറത്തിറങ്ങിയ ഇലക്ഷന്‍ എന്ന സിനിമയിലൂടെയാണ് താരം പ്രേക്ഷക ശ്രദ്ധ പിടിച്ച്‌ പറ്റിയത്. ഫ്രീക്ക്സ് ആന്‍ഡ് ജീക്ക്സ് എന്ന ടിവിഷോയിലൂടേയും ജെസീക്ക ശ്രദ്ധിക്കപ്പെട്ടിരുന്നു. ഒലിവര്‍ എന്ന പത്ത് വയസ്സുള്ള ഒരു മകനുണ്ട് ജെസീക്കയ്ക്ക്.
ദി സേഫ്റ്റി ഓഫ് ഒബ്ജക്‌ട്, ഓള്‍മോസ്റ്റ് ഫേമസ്,ഡാഡ്സ് ഡേ, ജങ്ക്, തുടങ്ങിയവയാണ് ജെസീക്ക അഭിനയിച്ച മറ്റ് സിനിമകള്‍. ഡിസംബ‍ര്‍ 29-നായിരുന്നു മരണം സംഭവിച്ചത്. എന്നാല്‍ ബുധനാഴ്ചയാണ് ജെസിക്കയുടെ മരണം സ്ഥിരീകരിച്ച്‌ കുടുംബാംഗങ്ങള്‍ ലോകത്തെ അറിയിച്ചത്.
