ന്യൂഡെൽഹി: വാട്‌സ്ആപും ഇന്‍സ്റ്റഗ്രാമും പണിമുടക്കി. ജനപ്രിയ മെസേജിംഗ്, സോഷ്യല്‍ മീഡിയ ആപ്പുകളായ ഇവയ്ക്ക് വെള്ളിയാഴ്ച രാത്രി മുതലാണു തടസം നേരിട്ടത്. ലോകത്തിന്‍റെ വിവിധ ഭാഗങ്ങളിൽ ഇതേ പ്രശ്നം ഉണ്ടായെന്നാണ് റിപ്പോർട്ട്.
വാട്സ്ആപ്പിൽ എഴുത്ത് സന്ദേശങ്ങൾ അയക്കാൻ സാധിക്കുന്നില്ല. ഇൻസ്റ്റഗ്രാമിൽ വീഡിയോ, ഫോട്ടോകള്‍ എന്നിവ ലോഡ് ആവുന്നില്ലെന്നു പരാതിയുണ്ട്. സെർവർ തകരാറാണെന്നാണ് പ്രാഥമിക നിഗമനം.
അതേസമയം, സംഭവത്തെക്കുറിച്ച് വാട്സ്ആപിന്‍റെ ഔദ്യോഗിക ട്വിറ്റർ അക്കൗണ്ടിൽ സ്ഥിരീകരണവും വിശദീകരണവും ഇതുവരെ വന്നിട്ടില്ല.
